सरकारी कर्मचारीया तलब न्यय्द्वः तक यायेत माग
येँ / (सन्ध्या टाइम्स) नेपाल निजामति कर्मचारी संगठनं सरकारी कर्म-चारीया तलब कम्तिं नं लय् झिद्वः तका यायेत अर्थमन्त्री सुरेन्द्र पाण्डेयात माग याःगु दु । संगठनया अध्यक्षया नेतृत्वय् वंगु छगू प्रतिनिधिमण्डलं अर्थमन्त्री पाण्डयात नापलानाः श्रेणीविहीन कर्मचारीतय् तलब झिद्वः तका व मुख्य सचिवया तलब लय् न्यय्द्वः तका याये नं माग याःगु दु ।
तलब वृद्धिया खँ वइगु वजेटय् हे उल्लेख यायेत माग यासे संगठनं न्ह्यब्वःगु मागया आधारय् तलब वृद्धि यायेत नं इनाप याःगु दु । संगठनं न्ह्यब्वःगु मागपत्रय् अधिकृत तहया तलब ३० द्वः व न्यासः तका उपसचिवया तलब ३२ द्वः व खुसः तका सहसचिवया तलब ३५ द्वः व गुसः तका यायेत नं इनाप याःगु दु । अथे हे सचिवया तलब ४० द्वः तका यायेमाःगु माग याःगु दु ।
