माओवादी पोलिटव्युरो वैठकय् प्रचण्डया दस्तावेजय् सहलह
वर्तमान परिस्थितिया समिक्षा एवं भावी रणनीतिया सन्दर्भय् एकीकृत नेकपा (माओवादी)या नायः प्रचण्डं न्ह्यब्वःगु राजनीतिक दस्तावेजय् पोलिटब्युरो दुजःतय्सं थःथःगु बिचाः त:गु दु ।
नायः प्रचण्डं म्हिगः न्ह्यब्वःगु वर्तमान परिस्थितिइ सर्वहारा वर्गया दायित्व शीर्षकया झिंगुंगू पेज ताःहाकःगु समसामयिक राजनीतिक दस्तावेजयात कयाः नेतातय्सं क्रमिकरुपं टिप्पणी याःगु खः । पीन्याम्ह दुजः दुगु पोलिटब्युरो दुजःत मध्ये च्याम्हसिनं थौं थःथःगु बिचाः तःगु खः । थौंया बैठकय् न्हूगु संविधानलिसे सम्वन्धित विषयसं जक पोलिटब्युरो दुजःतय्सं धारणा तःगु ख: ।
नायः प्रचण्डया उगु दस्तावेजय् कम्युनिष्ट आन्दोलनया समीक्षा, न्हूगु सहमतिय सरकारया निर्माण, राष्ट्रपतिया असंवैधानिक कदम विरुद्ध सतक व सदनय् जारी आन्दोलन, शान्ति प्रकृया, संविधान निमार्ण लगायतया विषयस थीथी बुंदाय् केन्द्रीत जूगु खः ।
बैठक कन्हय् हाकनं झिंछताः इलय् च्वनीगु जूगु दु ।
