बन्द याये मदइगु व्यवस्था यायेत व्यवसायीतय् माग
यें (सन्ध्या टाइम्स) / वइगु वजेटय् बजाः व व्यवसायीक क्षेत्र बन्द याये मदइगु कथंया व्यवस्था यानाः लगानीमैत्रीया वातावरण तयार यायेत नेपाल उद्योग वाणिज्य महासंघं इनाप याःगु दु । लिसें महासंघं गुगुं नं कथंया त्वहः चिनाः जुइगु बन्द व हडतालं उद्योग व्यवसायय् नकरात्मक लिच्वः लानाच्वंगुलिं थुकिया विरुद्ध विशेष कथंया ज्याझ्वत हयेमाःगु माग नं याःगु दु ।
महासंघया नायः कुशकुमार जोशीं वइगु वजेटया निंतिं निजी ख्यलं सुझाव बीगु झ्लय् बजाः बन्द यायेगु ज्यायात बन्द यायेमाः धासें वइगु झिदँ तकया निंतिं करया सिमाय् हिउपाः हयेमजिउगु नं धयादीगु दु ।
लगानी अप्वयेकेत कर नीतियात नं स्थायी यायेत व्यवसायीतय्सं माग याःगु दुसा आःयात न्हूगु संविधान मवःतले न्हूगु कर नीति नं हये मजिउगु खँ व्यवसायीतय्सं धाःगु दु ।
