वैदेशिक रोजगारी वनीपिं अप्वल
यें (सन्ध्या टाइम्स) / विश्वय् वःगु आर्थिक मन्दीं वैदेशिक रोजगारीइ वनीपिं नेपाःमितय्त लिच्वः लाइ धाःसां खास हे लिच्वः मलाःगु खँ सीदुगु दु ।
नेपालं जेठ महिनाय् नं विदेश वनीपिं ज्यामितय् ल्याः सामान्य वृद्धि जूगु दु । वैदेशिक रोजगार विभागं बिउगु तथ्यांक कथं जेठ महिनाय् वैशाखं स्वयां द्वःछि व न्हय्सलं मल्याक अप्वः नेपाःमित वैदेशिक रोजगारीया निंतिं पिहां वंगु दु ।
विभागया कथं जेठं १२ हजार ७९५ म्ह नेपाःमि थीथी देशय् वैदेशिक रोजगारीया निंतिं वंगु दु । वैशाख महिनाय् थ्व ल्याः ११ हजार ७७ थ्यनाच्वंगु खः ।
न्हापा लय् १५ हजारया ल्याखं वैदेशिक रोजगारीया निंतिं नेपाःमित पिहां वनेगु यानाच्वंगु खः ।
