सिंहदरवारय् माओवादीया धर्ना

एकीकृत नेकपा (माओवादी)या जिल्ल स्तरीय कार्यकर्ता राजेन्द्र फुयालया हत्या याम्ह दोषियात कारवाही यायेमाःगु माग यासें माओवादी भातृसंगठनं सिंहदरवारय् धर्ना ब्यूगु दु ।

बुधवाः सुथय् सिंहदरवारया दक्षिण गेटय् माओवादी भातृ संगठनं हत्याय् संलग्न युथफोस्रया कार्यकर्तायात कारवाहीया माग यासें धर्ना ब्यूगु दु । सुथय् झिताः ईलं निसें झिन्छताः ईलय् तक छघौ धर्ना ब्यूगु खः । माआवादीं दोषियात कारवाही मयातल्ले आन्दोलन जारी जुइगु खँ धाःगु दु ।