माओवादीया पोलिटब्यूरो बैठक कन्ह्य तकया निंतिं स्थगित
थौं निसें न्ह्याःगु एकीकृत नेकपा (माओवादी)या पोलिटब्यूरो बैठक कन्ह्य बुधवाः हाक्वनं च्वनीगु कथं स्थगित याःगु दु ।
भावी कार्यदिशा क्वछीत मंगलवाः येँय् च्वंगु पोलिटब्यूरो बैठकय् पार्टी अध्यक्ष पुष्पकमल दाहाल 'प्रचण्डं' न्हापाया समिक्षा, आःया विश्लेषण व आगामि रणनीति सहितया राजनीतिक प्रतिवेदन पेश यानादीगु खः । झिंगुंगू पृष्ठ तःहाकःगु प्रतिवेदनय् अध्यक्ष प्रचण्डं आःया हाथ्या व पार्टीया भावि नीति दुथ्याकाः तःगु दु । उगु प्रतिवेदनय् जनमुखी संविधान निर्माणय् मुख्य ध्यान बीमाःगु खँ न्ह्यथंनातःगु दु ।
बुधवाः निसें बैठकय् अध्यक्ष प्रचण्डया प्रतिवेदनयय् सहलह याइगु ज्याझ्वः दु । अथेहे राजनीतिक समिक्षा, सेनापति प्रकराणलिपा पार्टी सरकारं पिहांवनेमाःगु, सेनापतियात थमौति ब्यूगु राष्ट्रपतिया पलाः, पार्टीया महाधिवेशन लगायत विषयस नं सहलह याइगु ज्याझ्वः दु ।
