निम्ह पत्रकारयात भारतीय प्रहरीं दाल
रौतहट (सन्ध्या टाइम्स) / रौतहटया निम्ह पत्रकारयात भारतीय सुरक्षकर्मींतय्सं यातना बिउगु खँ सीदुगु दु । सदरमुकाम गौरं समाचार संकलनया निंतिं सीमा क्षेत्र बैरगनीयापाखे वनाच्वंगु इलय् रौतहट एफएमया उपसम्पादक अनिल ठाकुर व पत्रकार कन्हैया झायात भारतीय सीमा सुरक्षा बल एसएसबीया जवानतय्सं म्हीग बहनी नियन्त्रणय् कयाः यातना बिउगु खः ।
तस्करीया समाचार प्रशारण याःगु द्वपनय् पत्रकारत ठाकुर व झायात एसएसबीया मेजर जेके जमीनीया कमाण्डय् वःपिं भारतीय सुरक्षाकर्मीतय्सं यातना बीगु लिसें ज्यान कायेगु ख्याच्वः बिउगु खँ धाःगु दु ।
