वीरगंज घोषणा पत्र जारी
वीरगंज (सन्ध्या टाइम्स) / थारु, मुसलमान, आदिवासी, जनजाति, दलित, महिला दुथ्याःगु गणतान्त्रिक मोर्चां वीरगंज म्हिगः छगू पत्रकार सम्मेलनय् यानाः घोषणापत्र जारी याःगु दु ।
पत्रकार सम्मेलनय् थरुहट संयुक्त संघर्ष समिति बारा पर्सा संयोजक नन्दकिशोर फौज्दारं फुक्कं जनजाति वर्ग क्षेत्र लिंग धर्मं ल्ह्वंगु मुद्दायात राज्यं संवोधन याकेत थःपिंसं सम्मेलन मार्फत उगु वीरगंज घोषणा पत्र जारी यानागु खँ कनादिल ।
वंगु जेठ ३१ गते व असार १ गते निन्हुयंकं वीरगंजया नगर सभागृह जूगु राष्ट्रिय भेलां घोषणा पत्र २०६६ पारित याःगु खः । पत्रकार सम्मेलनय् वय्कलं आदिवासी जनजाति दलित मिसा व लिउने लाःगु वर्गयात राज्य अपेक्षा यानाच्वंगुलिं उगु खँयात दुथ्याकाः थ्व घोषणा पत्र जारी यानागु खँ फौज्दारं कनादिल ।
