जनविद्रोहया नीति ज्वनेफु
यें (सन्ध्या टाइम्स) / राष्ट्रिय सहमति मजुल माओ- वादी जनविद्रोहय् वनेफु । माओवादी अध्यक्ष प्रचण्डं थनिंनिसें च्वनीगु पार्टीया पोलिटब्यूरो बैठकय् न्ह्यब्वयेत तयार याःगु प्रतिवेदनय् थ्व प्रस्ताव तयातःगु दु ।
अध्यक्षया प्रतिवेदनय् फयांफछि फुक्क राजनीतिक पार्टीतनाप सहमति यायेगु व यदि मजुल धाःसा जनविद्रोहया लँपुइ वनेगु कथं कार्यनीति दयेकेगु प्रस्ताव यानातःगु दु ।
बैठकय् वरिष्ठ नेता मोहन वैद्य किरणं पुरक प्रस्ताव तयेत्यंगु दु ।
उखे थौं सुथय् माओवादी नेतातय्सं संविधानविद् व निर्वाचन आयोगया पुलांपिं आयुक्ततलिसे सहलह यात । उकी निर्वाचन प्रणालीयात कयाः पुलांम्ह आयुक्त वीरेन्द्र मिश्र व भोजराज पोखरेलिपंसं बिस्कं बिस्कं चुनाव प्रणाली नालेमाःगु सुझाव बिउगु खः।
