पिछडा वर्गपाखें मधेश बन्द
यें (सन्ध्या टाइम्स) / सरकारलिसे जूगु बुँदे सहमति कार्यान्वयन यायेमाःगु माग यासें नेपाल पीछडा वर्ग महासंघं थिनंनिसें अनिश्चितकालिन तराई बन्द यात । थुकिं यानाः पूर्वी व मध्य तराई प्रभावित जूगु दु ।
महासंघ कार्यकर्तातय्सं लँय् टायर च्याकाः प्रदर्शन यानाच्वंगुलिं तराईया लँपु जुयाः वनेमाःगु यातायात नापं शिक्षण संस्था बजाः व कारखाना बन्द जुयाच्वंगु दु । बन्दं तराईया बारा पसा्र सिराहा सप्तरी रौतहट जिल्ला प्रभावित जुयाच्वंगु दु । वीरगंजय् छगः बस व छगः ट्रक तोडफोड याना बिउगु दु । वीरगंजय् फुक्कं क्षेत्र बन्द जुयाच्वंसां शैक्षिक संस्था धाःसा चालाच्वंगु दु । बन्दकर्तातय्सं शैक्षिक क्षेत्रय् हस्तक्षेप मयायेगु धाःगुलिं स्कूल चाःगु खः ।
उखे मातृका माओवादीं थौं मोरङ्ग बन्द याःगु दु ।
