नवदुर्गाया जलसमाधि

ख्वप (सन्ध्या टाइम्स) / दँय्दसं थें थुगुसी नं थिनंनिसें देशय् नवदुर्गा गण मंत । म्हिगः भवस्तिया बहनी मनू थें हे सिथं यंकाः फुक्कं द्यःतय् ख्वाःपाः ब्रम्हायणी पीठय् यंकाः उना छ्वःगु खः । थथे नवदुर्गा गण मदइगु इलय् देशय् मिभं जुयाः महामारी जुइफु धाइगु चलन दु । आः स्वला लिपा मोहनिबलय् जक नवदुर्गा गण हाकनं उत्पत्ति जुइ । थ्व अवधिइ ख्वपय् छुं बाजं थाये मजिउ व पूजा याये मजिउ धाइ ।