हत्याबारे आयोगं छानबिन याइगु

माओवादीया येँय् जिल्ला ईलाका न‌ं ७या संयोजक राजेन्द्र फुयालया हत्या बारे मानव अधिकार आयोगं छानबिन याइगु जूगु दु । आयोगं सोमवाः छगू विज्ञप्ति पिथना थ्व जानकारी ब्यूगु खः । घटनाय छानबीन यायेत आयोग संरक्षण समितिया दुजः यज्ञ अधिकारीया अध्यक्षताय् गुम्ह दुजः दुगु छानबिन समिति गठन याःगु दु ।

प्रहरीं शुक्रवाः फुयालयात बेहोश अवस्थाय् लुइकूगु व अस्पतालय् वासः याकेत यंकेगु ईलय् मदुगु धाःगु दुसाः वाइसिएलं धासाः हत्या एमाले निकट युथफोस्रं याःगु धासें छानबिनया माग यासें थौ स्वनिगः बन्द याःगु खः । शुक्रवाः हे फुयाल मदुगु खसां सिम्हेसिया छेँज:पिंत म्हिग तिनि जानकारी ब्यगुलिं घटनायात वाइसिएलं रहस्यमय जूगु धासें दोषीया कारवाही यायेत माग याःगु दु ।