पत्रकार महासंघ व चिकित्सक संघया ध्यानाकर्षण
माओवादी जिल्ला स्तरीय कार्यकर्ता राजेन्द्र फुयालयात अज्ञात पुचलं स्याःगु विरुद्ध माओवादी भातृ संगठनं थौं याःगु स्वनिगः बन्दया झ्वलय् पत्रकार व चिकित्सकतय्त याःगु दुर्व्यवहार प्रति नेपाल पत्रकार महासंघ व नेपाल चिकित्सक संघया ध्यानाकर्षण जूगु धासें उगु घटनाया विरोध याःगु दु ।
पत्रकार महासंघं छगू विज्ञप्ति पिथंसें बन्दया झ्वलय् कान्तिपुर पब्लिकेशनया गाडीइ याःगु ताडफोड प्रति अपत्ति प्वंकूगु दु । अथेहे अभिन्यूज टेलिभिजनया संवादाता कृष्ण न्यौपाने लगायत पत्रकारतय्त बन्दकर्तातय्सं याःगु दुर्व्यवहारया विरोध याःगु दु ।
अथेहे चिकित्सक संघं नं छगू विज्ञप्ति पिथंना बन्दकर्तातय्सं शहिद गंगालाल अस्पतालय् कार्यरत डा. रोशन राउतया बा. २२. प. ८९०२ नं या मोटरसाइकल च्याकाब्यूगु व वयेकयात दुर्व्यवहार याःगु धासें घटनाया विरोध याःगु दु ।
