माओवादी पोलिट्ब्यूरो बैठक स्थगित
Posted on Mon Jun 15, 2009 4:48 pm NST
सोमवाः च्वनीगु धाःगु एकीकृत नेकपा (माओवादी)या पोलिट्ब्यूरो बैठक स्थगित जूगु दु ।
माओवादी कार्यकर्ता राजेन्द्र फुयालया हत्याया विरोधय् थःगु हे भातृसंगठन वाइसिलं याःगु स्वनिगः बन्दयात समर्थन यासें सोमवाःया बैठक स्थगित याःगु खः ।
माओवादीया पोलिट्ब्यूरो बैठकय् अध्यक्ष पुष्पकमल दाहाल 'प्रचण्डं' झिंस्वंगू बुँदे राजनीतिक प्रतिवेदन न्ह्यब्वइगु ज्याझ्वः दुसाः पार्टीया आगामी कार्यदिशा, सांगठनिक सुदृढिकरण, लिप्पांगु राजनीतिक वस्तुस्थिति लगायतया बारे नं सहलह याइगु ज्याझ्वः क्वछीनातःगु दु ।
