प्रहरी नायव निरीक्षक रहस्यमय ढङ्ग मन्त

येँया छम्ह प्रहरी नायव निरीक्षक रहस्यमय ढङ्ग सीगु दु । मदुम्ह नायव निरीक्षकया सीम्ह थौं थःगु हे कोठाय् लुइकूगु दु । उपत्यका अपराध महाशाखाया कथं गुहेश्वरी देगया सुरक्षाया खटेजुइम्ह दोलखराज सुवेदी सोमवाः देगः न्ह्यनेया थःगु हे कोठाय् सिनाच्वंगु अवस्थाय् लुइकूगु खः । प्रहरीया कथं सिम्ह सुवेदीयात गकीया तःगु दु । तर थ्व आत्महत्या खःकी हत्या खः धइगु विषयस अनुसन्धान जुयाच्वंगु दु ।

अथेहे सोमवाः दाङया अर्जुन खुशीइ च्वंगु सैनिक बेशक्याम्पय् लानातःगु माइन विष्फोटय् लानाः बर्दीयाया झिंन्ह्यदँया गोपाल बिक सीगु दु । येँय् नं महेन्द्रनगर पाखे वनाच्वंगु ना. ३. ख. ८९९५ नम्बरया बस अर्जुन खुशी दिकातःगु ईलय् बिक सैनिक क्याम्पया निषेधित क्षेत्रय् च्वफावंगु ईलय् उगु माइन विष्फोट जूगु खः । विष्फोट लिपाः वासः याकेत राप्ती उपक्षेत्रीय अस्पताल घोराही यंकेगु ईलय् बिक लँय् हे मदुगु खः ।