थौं आकाझाकां स्वनिगः बन्द
नेकपा एकीकृत (माओवादी)या येँ जिल्ला दुज: राजेन्द्र फुयाँलया हत्याया विरोधय् माओवादीं थौं आकाझाकां स्वनिगः बन्द याःगु दु । स्वनिगः बन्दया कारणं स्वनिगलय् यातायातया साधन बन्द जुयाच्वंगु दुसा: पसः व शिक्षण संस्था बांलाक चाले फुगु स्थिति मदु ।
वंगु बिहिबाः येँ धर्मस्थलीइ अचेत अवस्थाय् लूम्ह फुयालयात अस्पताल यंकेगु झ्वलय् सीगु धकाः प्रहरीं धयाच्वंगु दु तर माओवादीतय्सं धाःसा वयात रहस्यमय तरिकां स्याःगु धकाः उकिया छानविन यायेत माग यानाच्वंगु दु ।
माओवादीं कालिमाटी, त्रिपुरेश्वर, थापाथली, बानेश्वर, कोटेश्वेर, चावहील, लैनचौर, बालाजु, लगायत यल व कीपूया थीथी चोकय् टायर च्याकाः विरोध प्रदर्शन यानाच्वंगु दु । बन्दया अवज्ञा याःगु धासें कोटश्वर व चावहिलय् बन्दकर्तातय्सं सवारीसाधनय् तोडफोड याःगु दु ।
आकाझाकां जूगु बन्दया कारणं आपालं सरवसाधारण छेँय् नं पिहावयेधुंकाः लँय् अलपत्र जूगु खः ।
(दक्वं किपा - जुजुमान महर्जन)
बन्दया थप किपा
