कालिकोटय् एमाले-माओवादी ल्वापु
कालिकोटय् सत्तारुद्ध एमाले व प्रमुख प्रतिपक्षी दल एकीकृत नेकपा (माओवदी) दथुइ ल्वापु जूगु दु । निगू पार्टीया कार्यकर्ता दथुइ जूगु ल्वापुइ नीम्ह स्वयां अप्व घाःपा जूगु दु ।
माओवादीया भातृ संगठन वाइसिएलं एमाले पार्टी ज्याकू वनाः पार्टी सचिव कुर्मराज शाही, युथफोस्र इन्चार्ज दुर्गाबहादुर शाही व जिल्ला कमिटी दुजः भरतराज धितालयात आक्रकण यायेवं निगू पक्ष दथुइ ल्वापु तच्वःगु खः ।
पार्टी ज्याकूथी वनाः आक्रमण यायेधुंकाः नारा जुलुस यानाः जुपिं वाइसिएल कार्यकर्ता व एमाले कार्यकर्तात नापलायेवं निगू पक्ष दथुइ ल्वापु जूगु खः । ल्वापु तच्वःगुलिं प्रहरीं अन हस्तक्षेप यानाः लाठीचार्ज नापं हवाईफायर व अश्रुग्याँस नं केयेकूगु खः ।
कालिकोट प्रहरीया कथं घाःपाः जुपिं पार्टी सचिव, युथफोस्रया इन्चार्ज नापं न्याम्हेसित वासः याकेगु निंतिं येँय् हःगु दु । अथेहे निगू पक्ष दथुइ जूगु झडपय् लानाः छुं प्रहरीत नं घाःपाः जूगु दु ।
आः अन सुरक्षा निकाय सतर्क अवस्थाय दुसाः आपलं सुरक्षाकर्मीत परिचालन याःगु दु ।
