जीटीजेड ज्याझ्वः जुल
ख्वप (सन्ध्या टाइम्स) / स्थानीय मनूतय् विरोधया बाबजुद नं बिहिवाः लाय्कुली जीटीजेडं थःपिनि ज्याझ्वः यानां हे त्वःतल । ज्याझ्वलय् न्ववाःपिं वक्तातय्सं थःपंसं ख्वप नगर दयेकागु ख्वपयात आधुनिक शहर कथं विकास यानागु बारे कनेगु ज्या याःगु खः ।
स्वीदँ न्ह्यः जर्मन विकास परियोजना जीटीजेडं भक्तपुर विकास परियोजना नीस्वनाः ख्वपयात आधुनिक दयेकूगु खः । तर उगु हे झ्वलय् थनया आपालं पुलांगु मूर्ति तंगु परम्परागत धः व निकास बन्द जूवंगु नापं हितिया निकास तकं बन्द जुयाः हितिगाः पुखू जूवंगु खः । अथे जुयाः उमिगु ज्याझ्वःयात स्थानीय जनतां बहिष्कार याःगु खः । बहिष्कारया बाबजुद नं बहनी लिबाक उमिसं ख्वपया परम्परागत महाकाली प्याखं स्वयाः चाभ्वय् न्यायेकूगु खः ।
