ख्वप नपां वडापतिकं स्वास्थ्य कार्यकर्ता दयेकीगु
ख्वप (सन्ध्या टाइम्स) / ख्वप नगरपालिकां न्हापा थें आः हानं छक्वः जापानी सहयोग निकाय जाइकाया ग्वाहालिं वडा वडाय् स्वास्थ्य स्वयम सेवक कार्यकर्ता तयार याइगु जूगु दु । थौं स्वयां स्वदँ ति न्ह्यः जाइकापाखें हे ताथलीइ फोहोर वायेगु डम्पिङ्ग साइट तयार यायेत प्रोजेक्ट पास याःगु खःसां उगु प्रोजेक्टया ज्या न्ह्याके मबीवं आः उगु हे सहयोग निकायपाखें वडा वडाय् स्वास्थ्य स्वयम सेवकत तयार यानाः जनचेतना बीगु ज्याय् ग्वाहालि यायेगु न्हूगु कथंया प्रोजेक्ट तयार याःगु खः ।
उकिया लागिं आःयात खुला तकया लागिं छेँय् छेँय् वनाः वडाबासीतय् छेँ व छेँ जःखः जुयाच्वंगु फोहोर चीकेगु व ब्यक्तिगत सरसफाई नापं त्वनेगु लःया सुरक्षा बारे चेतना ब्वलंकेगु अभियान न्ह्याकेत्यंगु दु । वडां प्यम्ह ल्याखय् स्वयम सेवकत कयाः थुगु ज्या शुरु यायेत्यंगु दु । उकिया लागिं ख्वप नगरपालिकापाखें थःपिंसं हे चले यानाच्वंगु लिबालीया ख्वप इन्जिनियिरङ्ग कलेजय् निन्हु यंकंया स्वास्थ्य स्वयम् सेवक तालिम नं जुयाच्वंगु दु । तालिमय् सहभागी न्यागू दर्जन तालिम प्राप्त स्वयम् सेवकतय्सं नगरन्यंकं थीथी कथं नगर सफा यायेगु तरीका स्यनी ।
