अपहरण विरुद्ध स्कूल बन्द
यें (सन्ध्या टाइम्स) / वंगु जेठ २८ गते थनया बालाजुइ च्वंगु सौरदीप बोर्डिङ स्कूलया मचायात अपहरण याःपिंत कारवाही जुइमाःगु व विद्यालयया सुरक्षाया ग्यारेन्टी यायेमाःगु माग यासें थौं निजी तथा आवासीय विद्यालय प्याब्सनं स्वनिगःया फुक्कं स्कूल बन्द याःगु दु ।
थ्वहे झ्वलय् प्याब्सनं थौं प्रधानमन्त्री माधव नेपालयात छगू ज्ञापनपत्र नं लःल्हाःगु दु । प्रधानमन्त्री निवास बालुवाटारय् वनाः प्याब्सनया पदाधिकारीतय्सं उगु ज्ञापन पत्र लःल्हाःगु खः ।
वंगु २८ गते सौरदीप स्कूलय् ४ कक्षाय् ब्वनीम्ह मोनिका पिया श्रेष्ठयात अपहरणया कुतः याःगु खःसा अपहरण याःपिं विदुर गौतम व रवि श्रेष्ठयात प्रहरीं ज्वनातःगु दु ।
