जग्गा कारोवारय् नेवाःतय् हस्तक्षेप
यें (सन्ध्या टाइम्स) / जेठ १८ या नेपालमण्डल बन्द लिपा आः नेवाः स्वायत्त राज्य मंकाः संघर्ष समितिं नेपालमण्डल लागा दुने जग्गा न्याये मीगु ज्याय् तकं हस्तक्षेप यायेगु कथंया ज्याझ्वः न्ह्याकेगु तयारी यानाच्वंगु खँ सीदुगु दु ।
नेवाःतय् आदिवस्ती खास यानाः स्वनिगः दुने पिनेयापिं मनूत वयाः जग्गाया अनियन्त्रित कारोवार यानाच्वंगु व उमिगु कारणं थन पिनेयापिं मनूत तसकं अप्वया च्वंगुलिं उकियात नियन्त्रण यायेगु ल्याखं थ्व कारवाही यायेत्यंगु खँ संघर्ष समितिं धाःगु दु । उकिया निंतिं थनया भूमि सम्बन्धी विज्ञतलिसे सहलह न्ह्याकेत्यंगु दु ।
अथे हे नेपालमण्डल दुनेया स्थानीय निकायय् नेवाः भाय्यात छ्यलाबुलाय् हयेकेगु लागिं नं संघर्ष समितिं दवावमूलक ज्याझ्वः पित बीत्यंगु दु ।
