मनू सीवं अस्पताल बन्द
हेटौंडा (सन्ध्या टाइम्स) / दुर्घटनाय् लानाः घाःपाः जूम्हेसित डाक्टरं बांलाक वासः मयाःगुलिं घाइते सित धइगु द्वपं बिसें सीम्हेसिया छेँजःपिंसं डाक्टरतय्त आक्रमण याःगु विरोधय् म्हिगःनिसें बन्द जूगु मकवानपुर जिल्ला अस्पताल थौं नं मचाःनि । घाःपाः जूम्ह जनक बलामी डाक्टरतय् वेवास्तां सीगु द्वपं वया छेँजःपिंसं बियाच्वंगु दु । उखे डाक्टरतय्सं आक्रमण याःपिंत कारवाही मयायेकं थःपिंसं ज्या याये मखु धासें आन्दोलन यानाच्वंगु दु । अस्पताल बन्द जुयाः आपालं विरामीत अलपत्रय् लानाच्वंगु दु ।
