संसद अवरुद्ध
नागरिक सर्वोच्चता स्थापना यायेमाःगु माग यासें आन्दोलन यानाच्वंगु एकीकृत नेकपा (माओवादीं) थौं नं संसद अवरुद्ध याःगु दु ।
राष्ट्रपतिया पलाः विरुद्ध माओवादीं संसदय् दर्ता याःगु संकल्प प्रस्तावयात संसदय् सहलह याकेमाःगु माग यासें आइतवाःया व्यवस्थापिक संसद नं माओवादीं अवरुद्ध याःगु दु । माओवादी अवरोधया कारणं बैठक कार्यसूची दुहांहे मवंक मंगलवाः तकयात निंतिं स्थिगित जूगु दु ।
व्यवस्थापिका संसद न्ह्यायेवं माओवादी नेतृ पम्फा भुसालं सभामुख नाप ई कया न्ववासें राष्ट्रपतिं याःगु कु विरुद्ध नागरिक सर्वोच्चताया निंतिं माओवादीं संसदय् पेश याःगु संकल्प प्रस्तावय् सहलह मयाकूतल्ले संसद अवरुद्ध यायेगु धयादिल । वयेकलं रक्षामन्त्री विद्यादेवी भण्डारीं प्रधानसेनापतिया थंज्याःगु अभिव्यक्ति ब्यूगु धासें अज्याःगु अभिव्यक्ति मबीत इनाप यानादिल ।
