संचारकर्मीतय्त प्रधानमन्त्रीं सुरक्षाया आश्वासन
प्रधानमन्त्री माधवकुमार नेपालं संचारकर्मीया सुरक्षाप्रति थः गम्भिर जूगु धासें संचारकर्मीतय्त सुरक्षाया आश्वासन बियादीगु दु ।
संचारकर्मीतय्त जुयाच्वंगु आक्रमण प्रति प्रधानमन्त्रीया ध्यानाकर्षण यायेत प्रधानमन्त्री निवास बालुवाटार थ्यंपिं पत्रकारतय् ज्ञापन पौ लःल्हाना कासें प्रधानमन्त्री नेपालं पत्रकारतय्त आक्रमण याइपिं दोषितय्त कारवाही यायेत थः प्रतिबद्ध जूगु धयादिल । वयेकलं कानुनयात हाचांकयाः ज्या याइपिं दक्वसित कारवाही याइगु धयादिल ।
बिहिवाः होटल मल्लय् एभिन्युज टेलिभिजनया निम्ह पत्रकारतय्त जूगु आक्रमण व निरन्तर जुयाच्वंगु आक्रमणया घटनायात नियन्त्रण यायेमाःगु माग यासें रिपोर्टस क्लबया ग्वसाःलय् आइतवाः पत्रकारतय्सं प्रधानमन्त्री निवास न्ह्यने छघौ धर्ना नं ब्यूगु खः । धर्नाय् प्रेस युनियन, प्रेस चौतरी लगायत संचार संस्थाया पत्राकारतय्सं ब्वति काःगु खः ।
