थौं स्वनिगः दुनेया दक्वं विद्यालय बन्द
विद्यार्थी अपहरण यायेगु श्रंखला अप्वःगु धासें आइतवाः स्वनिगःया दक्वं विद्यालय बन्द याःगु दु ।
आइतवाः अविभावक संघ नापं मेगू छगू दर्जन शैक्षिक संस्थां मस्तय्त अपहरण याइपिंत कडा कारवाही यायेमाःगु व घटनाय् संलग्न दोषीतय्त ज्वने माःगु माग यासें स्वनिगःया दक्वं विद्यालय बन्दया आव्हान याःगु खः ।
अथेहे थौं सुथय् विद्यार्थी अपहरण दिकेमाःगु माग यासें प्रधानमन्त्री माधवकुमार नेपालया ध्यानाकर्षण याकूगु दु । सुथय् प्रधानमन्त्री निवास बालुवाटारय् वनाः अविभावक व शिक्षकतय् पुचलं प्रधानमन्त्री नेपालयात थुकी पाखे ध्यानाकर्षण याकूगु खः । उगु ईलय् प्रधानमन्त्री नेपालं अपहरण याइपिंत कडा कारवाही यायेत प्रहरी प्रमुखयात निर्देशन बीधुंकाःगु जानकारी बियादिल ।
बिहिवाः तिनि सौरदिप स्कुलय् प्यंगू तंगिमलय् ब्वनिम्ह मोनिका श्रेष्ठयात बालाजुं अपहरण यायेगु कुत: या:गु खः ।
