मन्त्रालय भागबन्डा बारे कांग्रेस-एमाले सहमित
तःन्हुया विवाद लिपाः निगू प्रमुख दल दथुइ मन्त्रिमण्डल कार्यविभाजन व विस्तार यायेगु सहमति जूगु दु ।
शनिवाः प्रधानमन्त्री माधवकुमार नेपाल व कांग्रेस सभापति गिरिजाप्रसाद कोइराला दथुइ जूगु सहलह लिपाः प्रमुख दलत एमाले व कांग्रेस दथुइ मन्त्रालय भागबन्डाय् सहमति जूगु खः । अथेहे निम्ह नेतात दथुइया सहलहलय् आइतवाः कांग्रेस व एमालेया मन्त्रीतय्त सपथ ग्रहण याकीगु नं सहमति जूगु दु ।
सहमतिया कथं एमालेयात रक्षा नापं अर्थ, गृह, सूचना व संचार लाःगु दुसाः कांग्रेसयात परराष्ट्र नापं जलस्रोत, स्थानीय विकास, स्वास्थ्य मन्त्रालय लाःगु दु ।
थ्वहे दथुइ एमालें थःगु पाखे मन्त्री जुइपिनि नां प्रधानमन्त्रीयात ब्यूगु दु । एमालें मन्त्री पदया निंतिं शंकर पाखरेल, भीम रावल, रविन्द्र श्रेष्ठ व रकम चेमजोङया नां सिफारिस याःगु दुसाः राज्य मन्त्रीया निंतिं डम्बरिसंह सम्बाहाम्फे, जीतु गौतम, डिल्लीबहादुर महत, रिजवान अन्सारी व मोहमद अफ्तावयात सिफारिस याःगु दु ।
थौं प्रधामन्त्री व कांग्रेस सभापति दथुइ जूगु सहमति लिपाः गृहलय् एमालेया भिम रावल व संचार मन्त्रालय् शंकर पोखरेलयात छ्वइगु जूगु दु । अथेहे कांग्रेसं बिना विभागिय मन्त्री प्रकाशसरण महतयात जलश्रोत व मिलेन्द्र रिजालयात स्वास्थ्य मन्त्रालय बीगु लगभग निश्चित जूगु दु ।
प्रधानमन्त्रीं चीची धंगू दल नाप थप सहलह यानाः ल्यंदनीगु मन्त्रालय क्वछीगु जूगु दु ।
