आंतककारी सूचीं चीकेत अमेरिकाया स्वंगू सर्त
अमेरिकां एकीकृत नेकपा (माओवादी)यात आतंकारीया सूचीं चीकेत स्वंगू सर्त न्ह्यब्वःगु दु । दक्षिण व मध्य एसिया मामिला स्वइम्ह अमेरिकी सहायक विदेशमन्त्री रोबर्ट ओरिस ब्लेकं माओवादीं हिंसा व आतंक दिकूसा, वाइसीएलया अराजकता अन्त्य यासाः व मेगू दलनाप मिले जुया शान्ति प्रकृयायात न्ह्यने यंकूसाः आतंककारी सूची पाखें चीकेफइगु खँ धयादीगु दु ।
शनिवाः अमेरिकी दुतावास पाखे होटल हायातय् याःगु पत्रकार सम्मेलनय् ब्लेकं स्वंगू सर्त न्ह्यब्वसें माओवादीयात गबले आतंककारीया सूचीं चीकेगु धइगु उमिगु हे पहलय् निर्भर जुइगु धयादिल ।
वयेकलं अनमिनया भुमिकायात 'ब्ल्यांक चेक'या कथं मकायेत इनाप यासें आनमिनया कार्यावधियात कयाः अन्तर्राष्ट्रिय समुदायं असिमित धैर्य याइ धकाः नेपालं बीचा याये मज्यू धयादिल । अन्तर्राष्ट्रि समुदाय नेपालय् याकनं शान्ति प्रकृया क्वचाःगु स्वये चाहे जूगु धासें नेपालं शान्ति प्रकृया फयांफतले याकनं क्वचायेकेमाःगु धयादिल ।
स्ववाः न्ह्यः जक दक्षिण व मध्य एसियाया निंतिं सहायक विदेशमन्त्री नियुक्त जुयादिम्ह ब्लेक माधव नेपालया नेतृत्व सरकार गठन जुइधुंकाः नेपाः भ्रमणय् झयादिम्ह दकले उच्च अमेरिकी अधिकारी खः । वयेक थःगु निन्हुन्यंकया नेपाः भ्रमण क्वचायेका थौं बंगलादेश प्रस्थान यानादीगु दु ।
