थौं विश्व बालश्रम विरुद्ध दिवस
थौं विश्व बालश्रम विरुद्धया दिवस नेपालय् नं थीथी ज्याझ्वः यानाः हंगु दु । थ्वहे झ्वलय् श्रम तथा यातायात व्यवस्था मन्त्रालय तथा श्रम विभागं 'मस्तय्त ह्वःताः बिइ : बालश्रम अन्त्य याये' धइगु सन्देशलिसे बालश्रम विरुद्धया विश्व दिवसया लसताय् थौं येँय् र्र्यालीया ग्वसाः ग्वःगु खः ।
उगु हे झ्वलय् बालश्रमविरुद्धया प्लेकार्ड ज्वनावःगु र्याली वसन्तपुरपाखें न्ह्यानाः शहरया थीथी लागाय् चाःह्यूगु ख: । बालश्रम निवारणया निंतिं नेपाःया अन्तरिम संविधान २०६३ तथा श्रम कानुनया प्रावधानलिसे संयुक्त राष्ट्र संघीय निकाय तथा अन्तरराष्ट्रिय श्रम सङ्गठनप्रतिया प्रतिबद्धतायात कार्यान्वयन यायेगु कथं नेपाल सरकारं सन् २००९ तकया दुने निकृष्ट प्रकृतिया व सन् २०१४ तकयादुने फुक्क कथंया बालश्रमया निवारण यायेगु लक्ष्य निर्धारण याःगु दु । थीथी गैरसरकारी संस्थाया प्रतिवेदनं नेपालय् करिब झिंच्यागू लाखया ल्याखय् बालश्रमिक दुगु जानकारी ब्यूगु दु ।
