खाङ्ग्रा नाकाया अनुगमन

सीमा क्षेत्रया अनुगमनया नितिं दाङ वंगु संसदीय व सर्वदलीय टोलीं थौं संयुक्तरुपं खाङ्ग्रा नाकाया अनुगमन याःगु दु । अन्तर्राष्ट्रिय सम्वन्ध व मानव अधिकार समितिया सभापति पदमलाल विश्वकर्माया पुच: व माओवादी नेता अमिक शेरचनया सर्वदलीय पुच:लं पूर्व निर्धारित ज्याझ्वः कथं खाङ्ग्रा नाकाया स्थलगत अनुगमन याःगु खः ।

निगुलिं पुचलं सीमा स्तम्भया निरीक्षण या:गु जानकारी दाङया प्रमुख जिल्ला अधिकारी ऋषिराम ढकालं ब्यूगु दु । संयुक्त टोलीं थौं न्हिनय् स्थानियबासीलिसे अन्तक्रिया समेत याःगु दु । निगूलिं पुचलं आ: तक दाङ व भारत दथुइ सीमा स्वानाच्वंगु च्ययेनिगू किलोमिटर क्षेत्रया अनुमगन यायेधुंकूगु दु ।