व्यवस्थापिका बैठक स्थगित

संबिधानसभा व्यवस्थापिका बैठक आइतवाः स्वताः ईतकया नितिं स्थगित जूगु दु । कांग्रेस नेता शैलजा आचार्यया मदुगुप्रति शोक प्रस्ताव पारित यासें बैठक स्थगित जूगु खः ।

नागरिक सर्वो‍च्चता व राष्ट्रपति बिरुद्धया संकल्प प्रस्ताव सदनय् सहलह यायेमा:गु माग यासें थ्व स्वयां न्ह्यः लगातार अबरुद्ध यानावयाच्वंगु माओवादीं थौंया बैठक धाःसा न्ह्याके ब्युगु खः । बैठकय् दकले न्हापां न्वंवासें माओवादी नेता कृष्णबहादुर महरां कांग्रेस नेतृ शैलजा आचार्यया शोक प्रस्तावप्रति समर्थन क्यंसें थौंया बैठक धाःसा अबरुद्ध मयायेगु धयादीगु खः । अनंलिपा सभाध्यक्ष सुवास नेम्वाङं कार्यसूचीकथंया शोक प्रस्ताव ब्वनाः न्यंकूसें सभासद्तय्त एक मिनेट मौन धारण याकादीगु खः ।