“नेपाः मांया म्ह्याय् मचा जि” म्यूजिक भिडियो पिदन

संगीतय् पिएचडि यानादीम्ह मयजु मोहनशोभा महर्जनं नेपालभाषाया न्हूगु म्यूजिक भिडियो पिथनादीगु दु ।

डा. महर्जनं थःम्हं हे हालादीगु उगु म्येँ या म्यूजिक भिडियोय् मू–नकिं नं थःहे जुयादीगु खः ।

“नेपाः मांया म्ह्याय् मचा जि” नांया उगु म्यूजिक भिडियो आइतवाः कीर्तिपुर सिनेप्लेक्सय् प्रिमियर शो यासें पिथनादीगु खः ।

संस्कृतिविद् प्रयागमान प्रधानया मू-पाहाँसुइ जूगु प्रिमियर शो ज्याझ्वलय् म्युजिक भिडियोय् दुपिं सकल कलाकारपिंलिसें म्यूजिक भिडियो दयेकेत ग्वहालियानादीपिं सकलसित मतिनाया चिं लःल्हाना हनादीगु खः ।

लोककवि राजभाई जकःमिं च्वयादीगु उगु म्येँ गुजे मालाकारं लय् चिनादीगु खःसा जुगल डंगोलं संगीत संयोजन यानादीगु खः ।

वाइजिजि स्टुडियोया प्रडक्शनय् तयार जूगु उगु नेपालभाषाया म्यूजिक भिडियोय् रफेला महर्जन, प्रसिद्धि महर्जननापं न्हून्हूपिं कलाकारपिंसं म्हितादीगु खः ।

रमेश मालीया सहनिर्देशन व परिकल्पनाय् तयार जूगु उगु म्यूजिक भिडियोयात देवेन्द्र महर्जनं सम्पादन यानादीगु खः । सुरेन्द्र महर्जन (तापख्यःमिं) फोटोग्राफरलिसें को-अर्डिनेशन यानादीगु खःसा कलरिष्ट संजीवरत्न शाक्य, भिएफएक्स प्रलिन महर्जनं यानादीगु खः । विक्रम महर्जनं छायाङ्कन यानादीगु उगु म्यूजिक भिडियो लोकंह्वाःम्ह कलाकार लक्ष्मीकुमार महर्जनं निर्देशन यानादीगु खः ।


थुगु म्यूजिक भिडियो स्वयेया नितिं क्वय् क्लिक यानादिसँ ।

More Stories Like this