प्यक्वःगु न्यू जेनिथ कप जुइगु
प्यक्वःगु न्यू जेनिथ कप अन्तर विद्यालय फुटसल व बास्केटबल धेंधेंबल्ला कासा जुइत्यंगु दु । न्यू जेनिथ स्कुलया ग्वसालय् जुइत्यंगु न्यू जेनिथ कप भदौ २९ निसें असोज ४ गते तक न्ह्याइगु शुक्रवाः पत्रकार सम्मेलन याना जानकारी ब्यूगु दु ।
फुटसलपाखे यु–११ ब्वाइज व यु१३ ब्वाइजय् समान १२/१२ टिम अथेहे यु–१६ ब्वाइजय् १४ व यु १६ गल्सय् ९ टिमया ब्वति दइगु नं जानकारी ब्यूगु अः ।
अथेहे सिनियर ब्वाइज बास्केटबलय् १६ व सिनियर गल्स बास्केटबलय् १२ टिमं धेंधेंबल्ला याइ । फुक्क कासा लिग कम नकआउटया लिधंसाय् म्हितकेत्यंगु दु । लिपांगुल संस्करणय् सिनियरपाखे बास्केटबलय् ज्ञान निकेतन व फुटसलय् रिब्स च्याम्पियन जूगु खः ।
न्यू जेनिथया प्रिन्सिपल राजु महर्जनं पत्रकार सम्मेलनय् स्कुलं स्पोर्ट्सयात प्राथमिकताय् तयाकथं कासाया ग्वसाःग्वयागु जानकारी बियादिल ।
वय्कलं धयादिल, न्यू जेनिथं स्कुल व प्लस टुया ब्वनामिपिनि नीति बास्केटबल, फुटसल, चेस, मार्शल आर्टस् नापंया कासाय् स्यनामि हे तया ब्वनेकुथिं कासायात महत्व बियावयाच्वंगु दु ।
क्रिकेटर सूर्य तामाङ, प्रतिश जिसी, रित गौतम, बास्केबटलय् प्रवल महर्जन, सोनाम लामाथें जनःपिं राष्ट्रिय कासामि न्यू जेनिथया उत्पादन जूगु नं वय्कलं कनादिल ।
अथेहे, न्यू जेनिथया स्पोर्ट्स कोर्डिनेटर रोशन थापा मगरं प्रतियोगितय् ४३ ब्वनेकुथिं ब्वति कायेत्यंगु नं जानकारी बियादिल।
News Location:
