ख्वपय् पुवाचा हे गना वन

ख्वप (सन्ध्या टाइम्स) / वा मवःगुलिं ख्वपया थीथी थासय् वा पीत तयातःगु पुवाचा गनावंगुलिं कृषकत हैरान जूगु दु । थनया सुडाल ताथली बागीश्वरी नापं लिक्क लिक्क च्वंगु बुँइ बाःछि ति न्ह्यः तयातःगु पुवाचा गनाः सिनावंगुलिं हाकनं पुवाचा तयेगु नं शुरु यानाहःगु दु । उखे पुवाचा तइगु अज्याःगु प्वाथ स्यनावंगुलिं अन वासः तयेत वासः काःवईपं नं हुलकुल जुया वःगु दु । वासः तल धाःसा उकिं हा नापं गना वनी धकाः पसल्यातय्सं सम्झे याःसां किसानत माने मजुसे वासः न्याना यंकाच्वंगु दु । असार न्ह्यःने थ्यंकाः थगुने जूसा वा पीगु हे शुरु जुइगु खःसां थुगुसी पुवाचा हे गनावंगुलिं किसानत चिन्तित जुयाच्वंगु दु ।