व्यवस्थापिका संसदं शोक प्रस्ताव पारित

शुक्रवाः च्वंगु व्यवस्थापिका संसदया बैठकं कांग्रेस नेतृ शैलजा आचार्य मदुगु शोक प्रस्ताव पारित याःगु दु ।

व्यवस्थापिका बैठक न्ह्यायेवं सभामुख नाप ई कयाः न्ववासें माओवादी सभासद् कृष्णबहादुर महरां राष्ट्रपतिया पलाः भिंकेमाःगु अडान कयाः माओवादीं संसद अवरुद्ध याना: वयाच्वंसां थौं मदुम्ह कांग्रेस नेतृ आचार्यया शोक प्रस्तावया खँ जूगुलिं उगु प्रस्तावप्रति समर्थन यानादिसें बैठक अवरुद्ध मयायेगु खँ धयादीगु खः ।

वयेकलं न्ववयेधुंका पुलांम्ह उपप्रधानमन्त्री व प्रतिनिधिसभाया पुलांम्ह दुजः शैलजा आचार्यया शोक प्रस्ताव पारित यानाः छगू मिनेट मौन धारण याःगु खः ।

व्यवस्थापिका बैठकया मेगू बैठक आइतवाः स्वताः ईलय् च्वनीगु जूगु दु ।