थौं मगरात लागा बन्द

एकीकृत नेकपा (माओवादी)या भातृ संगठन मगर राष्ट्रिय मुक्ति मोर्चाया आव्हानय् शुक्रवाः जूगु मगरात लागा बन्दं गुंगू जिल्लाया जनजीवन प्रभावित जूगु दु ।

राष्ट्रपतिया पलाः भिंकेमाःगु, नागरिक सर्वोच्चता कायम जुइमाःगु, मगरात स्वायत्त राज्यया माग यासें थौं मोर्चा बन्दया आव्हान याःगु खः । बन्दया कारणं पाल्पा, गुल्मी, अर्घाखाची, वाग्लुङ्ग, म्याग्दी, रोल्पा, प्युठान, रुकुम व सल्यानया जनजीवन प्रभावित जूगु दु ।

बन्दया कारणं गुंगूलिं जिल्लाय् सवारी साधन चलेजूगु मदुसाः पसः, विद्यालय, क्याम्पस, कलकारखाना, उद्योग दक्वं पूर्णरुपं बन्द जुयाच्वंगु दु ।