मन्त्रिमण्डलयात याकनं पूर्णता बीत उपप्रमया इनाप
उपप्रधानमन्त्री विजयकुमार गच्छदारं मन्त्रिमण्डल विस्तारय् खनेदयाच्वंगु कच्वं अन्त्य यानाः मन्त्रिमण्डलयात याकनं पूर्णता बीत प्रधनमन्त्री माधवकुमार नेपाल नाप इनाप यानादीगु दु ।
शुक्रवाः सुथय् प्रधानमन्त्री निवस बालुवाटरय् वनाः मन्त्रिमण्डल गठन बारे सहलह यायेगु झ्वलय् उपप्रम गच्छदारं थ्व इनाप यानादीगु खः । मन्त्रिमण्डलयात याकनं पुवंकेत व बिना बिभागिय मन्त्रीतय्त नं याकनं हे मन्त्रालयया जिम्मेवारी बीत वयेकलं प्रधानमन्त्रीयात इनाप यानादीगु खः ।
फोरमया संस्थापन पक्षं कारवाही याम्ह उपप्रम गच्छदारं न्हापा फोरमं माग याःगु न्यागू मन्त्रालय व प्यंगू राज्य मान्त्री बीमाःगु माग थौं नं प्रधानमन्त्री समक्ष तयादिल । अथेहे प्रधानमन्त्री नेपालं फोरमय् खनेदयाच्वंगु विवाद बारे उपप्रम गच्छदार नाप च्यूता प्वंकादीगु खसाः लिसःलय् गच्छदारं बहुमत केन्द्रीय दुजःत थःगु पक्षय् दुगुलिं विवादं छुं असर मलाइगु आश्वासन बियादिल ।
प्रधानमन्त्री नेपालयात नापलायेत उपप्रम गच्छदार नापं फोरम नेता शरदिसंह भण्डारी व प्रवक्ता जितेन्द्र देव नं बालुवाटार थ्यंकादीगु खः ।
