गिरीजायात सफाइ
सर्बोच्च अदालतं अदालतया अबहेलना सम्बन्धि मुद्दाय् पूर्ब प्रधानमन्त्री एवम् नेपाली काँग्रेसया सभापति गिरीजाप्रसाद कोइरालायात थौं सफाइ ब्यूगु दु । न्यायाधिश द्वय दामोदार शर्मा व प्रेम शर्माया संयुक्त इजलाशं तत्कालीन राजनीतिक परिस्थितिप्रति तं प्वंकेगु भुवलय् उगु भाबनायात अदालतया अबहेलनाया दायरा स्वयाः अज्याःगु संज्ञा बिइगु उपयुक्त जुइगु धासें रिट खारेजीया निर्णय याःगु खः ।
अख्तियार दुरुपयोग अनुसन्धान आयोगं तत्कालिन लम्साल आयोगया प्रतिबेदनया आधारय् कोइरालायात सम्पत्ति छानबिनया निितं आयोगय् उपस्थित जुइत पत्राचार यायेवं कोइरालां सर्बोच्चय् दायर याःगु रिट अदालतं खारेज याःगु खः । रिट खारेज जुइधुंकाः कोइरालां सर्बो्रच्च अदालतयात नारायणहिटीइ चीकूसां ज्यू धइगु अभिव्यक्ति ब्यूगु खः । कोइरालाया अभिव्यक्तिं अदालतया अबहेलना जूगु दाबीसहित अधिबक्ता प्रकाशमणि शर्मा लगायत प्यम्हसिनं २०६३ साल भदौ ३१ गते सर्बोच्चय् रिट दायर याःगु खः ।
