राष्ट्रिय सहमतीया बिकल्प मदु : प्रम नेपाल
प्रधानमन्त्री माधव कुमार नेपालं राष्ट्रिय सहमतीया बिकल्प मदुगु धयादीगु दु । वय्कलं आः सहमती व सहकार्यया राजनीतिइ छुं गतिरोध खनेदुगु जूसां नं व याकनं हे अन्त्य जुइगु विश्वास प्वंकूगु दु । थौं सुथय् हेटौंडा ६ गौरीटारय् राष्ट्रिय खेलकुद प्रतिष्ठानया शिलान्यास यासें वय्कलं उगु खँ धयादीगु खः ।
न्हापाया गठित परिस्थितीइ छप्पँ जुयाः न्ह्यःने न्ह्याःगु लुमंकादिसें वय्कलं दलतय्त सहकार्य यायेत इनाप यानादीगु दु । जनतां शान्ति सुरक्षा व जनपक्षिय संबिधान मालाच्वंगु धासें प्रधानमन्त्री नेपालं उकिया निितं सरकार कि्रयाशील दुगु धयादीगु दु । थ्वहे भुवलय् हेटौंडा बसोबास बस्ति संरक्षण समाजं थौं हे प्रधानमन्त्री नेपालयात ज्ञापन पत्र लःल्हाःगु दु । हेटौंडायात मानव बस्ती घोषणा यायेमाःगु वा राजमार्ग विस्तार यायेगु ज्या तत्काल कार्यान्वयनया माग यासें समितिया एक्सन कमिटिया नायः अरुणराज सुमार्गीं ज्ञापन पत्र लःल्हाःगु खः । ज्ञापन पत्र कयादिसें प्रधानमन्त्रीं सरकारं पूर्णता दयेधुंकाः माग पुरा यायेगु आश्वास बियादीगु नायः सुमार्गीं जानकारी बियादीगु दु ।
