सभाध्यक्ष तंचाल

संविधानसभाया नायः सुवासचन्द्र नेम्वाङं साँस्कृतिक व सामाजिक ऐक्यबद्धताया आधार निर्माण समितिया सभापति नवोदिता चौधरीयात संविधानय् जनयुद्ध व सशस्त्र विद्रोह मध्ये छु तयेगु धइगुबारे समितीइ चुनाव याकूगुलिं थौं स्पष्टिकरण पुवंगु दु । नेम्वाङं कार्यकक्षय् चौधरीयात सःताः स्पष्टिकरण पुवंगु खः ।

बहुमतपाखें निर्णय यायेगु व उकिइ असहमत जुइगुिलं फरक राय संविधानसभाय् बिइफइगु व्यवस्था दयेक दयेकं चुनाव याकूगुलिं सभाध्यक्षं असन्तुष्टि प्वंकूगु खः । थ्व स्वयां न्ह्यः थःम्हं समितिइ चुनाव मयाकेत निर्देशन बियां नं चुनाव याकूगुलिं च्यूताः प्वंकूसें नेम्वाङं आः अथे मयायेत फुक्क समितियात इनाप याःगु जानकारी ब्यूगु दु ।