संविधानसभाय् माओवादीया फरक मत
संविधानसभा अन्तर्गतया साँस्कृतिक व सामाजिक ऐक्यवद्धताया आधार निर्धारण समितिं न्ह्यब्वइगु प्रारम्भिक मस्यौदाय् एकीकृत नेकपा माओवादीया दुजःतय्सं फरक मत तइगु जूगु दु । मस्यौदाय् माओवादी जनयुद्ध मतसे सशस्त्र द्वन्द्व धइगु शब्द तइगु जुइवं माओवादीं फरक मत तइगु जूगु खः ।
समितिइ मतदान जूबले जनयुद्ध तयेमाःगु पक्षय् िझंनिगू व सशस्त्र द्वन्द्व तयेमाःगु पक्षय् झिंगुंगू मत लाःगु खः । समितिइ मतदान याये ज्यू कि मज्यू धइगु विषयसं दुजःत हे अन्यौलय् लानाः संविधानसभाया नायःलिसेया सहलहलिपा फरक मतसहित मस्यौदा संविधानसभाय् न्ह्यब्वयेगु सहमती जूगु समितिया सभापति नवोदिता चौधरीं जानकारी बियादीगु दु ।
थौंया संविधानसभाया बैठक विवादया कारण पलख च्वनाः स्थगित जूगु खः । समितिइ मधेशवादी दलं हिन्दी भाषायात नेपालीलिपा निगूगु कामकाजया भाषा दयेकेमाःगु अडान तयेवं विवाद नं समाधान जुइमफुगु खः । राष्ट्रिय हितया संरक्षण समितिं तयार याःगु मस्यौदा नं फरक मतसहित संविधान सभाय् न्ह्यब्वःगु खः । थ्वहे भुवलय् प्रान्तीय क्षेत्रया निर्वाचन प्रणालीयाबारे दलतदथुइ सहमती जुइमफयेवं राज्यया शासकीय स्वरुप निर्धारण समितिया सहलह अनिश्चितकालया नितिं स्थगित जूगु दु ।
