राष्ट्रिय सहमतिया सरकार माःगु दु - क. प्रकाश
एकिकृत नेकपा माओवादीया वरिष्ठ नेता नारायणकाजी श्रेष्ठ प्रकाशं न्हूगु संविधानया आधारभुत सहमति मालाः संक्रमणकालयात व्यवस्थित यायेत राष्ट्रिय सहमतिया सरकार माःगु धयादीगु दु । रिपोटस्र क्लव नेपालं येँय् याःगु साक्षात्कारय् न्वंवानादिसें उकिया नितिं जनताया निर्देशनकथंया सहमतिया सरकार दयेकेमाःगु खँय् बह ब्यूगु दु ।
देशय् आः नं देशी विदेशि षडयन्त्रकारीतय्सं ल्वापु हयेगु व संविधान निमार्ण ज्या ध्वस्त यायेगु कुतः यानाच्वंगु नेता प्रकाशं दावी यानादीगु दु । नागरिक सर्बोच्चताया विषयसं माओवादीं न्ह्याकूगु आन्दोलनलिपा सरकारया ध्यान आकर्षण जूगु धासें वय्कलं उकियात प्रधानमन्त्रीं निस्चित ईदुने पूवंकेगु प्रतिवद्धता वयेमाःगु धयादीगु दु । अथे मजूतले सदन व सतक आन्दोलन न्ह्याकाच्वनेगु नेता प्रकाशया धापू दु ।
