राजदूत सुदया पुचलं कोशी तटबन्धया निरिक्षण

सप्तकोशी खुसीया पुर्वी तटबन्ध दयेकेगु ज्या क्वचाःगु दु । भारतीय कम्पनी वाशिष्ठ एण्ड वाशिष्ठं ज्याझवः क्वचाःगु दावी याःगु लिपाः न्हापांगु खुसीइ भारतीय राजदुत राकेश सुदया पुचलं तटबन्दया निरीक्षण याःगु दु ।

भारतीय ठेकदार कम्पनीं ज्या क्वाचाःगु धका प्यन्हून्हय् लिहाँवयेवं संसदया प्राकृतिक स्रोत साधन समितिया कजि सीता चौधरीया संयोजकत्वय् झिंस्वम्हेसियागु पूचलं ज्या पूमवंगु दावी याःगुलिं राजदुत सुदया पूचं उखे वंगु खः ।

राजदुत सुदनापं भारतया बिहार राज्यया जलस्रोत मन्त्री बिजेन्द्र यादव नेपाया जलस्रोत बिभागया उपनिर्देशक अनिल पौडेलनापंया उच्चस्तरीय जलस्रोत सम्बन्धी पूचलं पुर्वी तटबन्ध निरीक्षण यावंगु खः ।