सिरिया व खिट्की नाकाया अनुगमन

सीमा क्षेत्रया अनुगमनया नितिं दाङ जिल्लाय् छुटे जूगु निगू पुचः थौं सुथय्निसें सिरिया व खिट्की नाकाया अनुगमन न्हयाकूगु दु ।

अन्तर्राष्ट्रिय सम्वन्ध व मानवअधिकार समितिया सभापति पद्मलाल विश्वकर्माया नेतृत्वया पुचलं सिरिया नाका क्षेत्रया अनुगमन याःगु दु । सिरिया नाकाय् सीमास्तम्भया अनुगमन स्थानीयबासीत नापं याःगु दु ।

अथेहे माओवादी नेता अमिक शेरचनया नेतृत्वया सर्वदलीय पुचलं राजपुर गाविसया खट्गी नाकाया अनुगमन याःगु दु ।
पुचलं थौं निगू नाकायात स्वा:गु राजपुरया खाङ्ग्रा नाकाय् अनुगमन या:गु ख: ।