सत्तापक्ष व प्रतिपक्षया सुखद मिलन

सत्तापक्ष व विपक्षी दथुइ कायम जुयाच्वंगु गतिरोध मदयेकेगु लािगं आः नकतिनि प्रधानमन्त्री माधव नेपाल व प्रमुख प्रतिपक्षी पुष्पकमल दाहाल 'प्रचण्ड’ दथुइ यलया गोदावरीइ सहलह जुल । उकी प्रतिपक्षी प्रचण्डं थःिपंसं थ्व इलय् मू रुपं ल्ह्वनाच्वनागु मुख्य मुद्दा राष्ट्रपतिया पलाः व प्रधानसेनापतिया अवकासयात हे मू रुपं न्ह्यःने तःगु व माओवादीया उगु चिउताःयात थःिपंसं सकारात्मक रुपं समाधानया कुतः याये धकाः प्रधानमन्त्रीं बचं बियादीगु खँ चर्चाय् वःगु दु । मुद्दा न्ह्यागु हे जूसां उकियात समाधान यायेगु सवालय् सत्तापक्ष व विपक्षी मिले जुल धाःसा वहे थौंया इलय् बांलाःगु खँ जुइ ।

तर सरकारया वर्तमान संरचनाय् वनाः स्वयेबलय् धाःसा प्रधानमन्त्री नेपालं जक छुं धायेवं व पूरा जुइगु सम्भावना धाःसा तसकं म्हो जक दु । दकलय् न्हापां ला थज्याःगु खँयात सरकारं स्वीकार यायेगु लाकि मयायेगु धइगु खँय् वय्कःया पार्टी दुने हे विवाद पिहां वइगु खनेदु । वय्कःयात प्रधानमन्त्री दयेकेगु ज्याय् दकलय् अप्वः ल्हाः दुम्ह केपी ओली माओवादीप्रति अतिकं अनुदारवादी नेता खः । वय्कलं थ्व प्रस्तावयात स्वीकार याइगु सम्भावना म्हो जक दु । छुं जुयाः एमालें स्वीकार हे याःसां हानं कांग्रेसं स्वीकार याइगु सम्भावना उलि हे मदु । राष्ट्रपतिया पलाःयात अनुमोदन मयायेगु खँ कांग्रेसया न्यने तकं यइ मखु । प्रधानमन्त्री नेपाल वर्तमान सरकारया शक्तिशाली प्रमुख मखुगु कारणं वय्कलं धाःगु खँ मेिपंसं स्वीकार मयाइगु यक्व खतरा दु । थुिकं यानाः वय्कलं चाहे जुयां नं विपक्षीलिसे सहमति मजुइगु व वय्कलं चाहे जुयां नं देशय् शान्ति कायम जुइत थाकुइगु उलि हे सम्भावना दु ।

More Stories Like this