नेवाः राज्य बारे प्रशिक्षण न्ह्याकीगु
यें (सन्ध्या टाइम्स) / जेठ १८ या जूगु नेवाः स्वायत्त राज्य नेपालमण्डल बन्द लिपा आः नेवाः जागरण माचं ब्यापक रुपं नेवाः स्वायत्त राज्य बारे प्रशिक्षण ज्याझ्वः न्ह्याकीगु जूगु दु । नेवाः जागरण मंचया म्हिगः च्वंगु मुँज्यां थ्व खँ क्वःछिउगु खः ।
वंगु २४० दँ न्ह्यवंनिसें उत्पीडनय् लानाच्वंगु रोजगारीनिसें सकतां अवसरं बंचित जुयाच्वंगु अपहेलित जुयाच्वंगु खँ वाःचायेका हःसां नेवाः स्वायत्त राज्यया सम्बन्धय् जानकारी मदुगुलिं थ्व खँय् व्यापक रुपं प्रशिक्षण ज्याझ्वः यायेमाःगु खँ मंचं धाःगु दु । नेवाः जागरण माचया थीथी कवः व कचा मार्फत थुकथंया प्रशिक्षण ज्याझ्वः न्ह्याकीगु जूगु दु ।
