माओवादीया सांस्कृतिक ब्वज्या
ख्वप (सन्ध्या टाइम्स) / एनेकपा माओवादी समर्थित जनसांस्कृतिक मंचया ग्वसालय् ख्वपया टौमढी त्वालय् बृहत् सांस्कृतिक र् याली जुल । माओवादीं सरकार समक्ष न्ह्यब्वःगु संकल्प प्रस्ताव बारे सदनय् सहलह जुइमाःगु राष्ट्रपतिया पलाः लित कायेमाःगु व सीमा अतिक्रमणया विरोधय् सांस्कृतिक रुपं विरोध यायेगु झ्वलय् देय्न्यंकं सांस्कृतिक अभियान न्ह्याकेगु ज्याझ्वः कथं ख्वपया टौमढी त्वालय् बृहत् सांस्कृतिक ब्वज्या जूगु खः । ज्याझ्वलय् ख्वप १ नम्बर क्षेत्रया माओवादी संविधानसभा उम्मेदवार देवेन्द्र खाइजु 'दिवाकर', ख्वप क्षेत्र नम्बर २ या माओवादी संविधानसभा उम्मेदवार हरि थापा ब्यंग्य कवि व साहित्यकार भोला रिजाल अगिब बनेपाली नापं थीथी कवि साहित्यकारिपंसं दथुदथुइ न्ववायेगु नापं कविता व म्ये न्यंकेगु ज्या जूगु खः । उगु ज्याझ्वलय् माओवादीया थीथी सांस्कृतिक विभागपाखें हुलाप्याखं न्ह्यब्वःगु खः ।
