कन्हय् मिस्तय्सं जक बुंगद्यः सालीगु

यल (सन्ध्या टाइम्स) / स्वनिगःया दकलय् ताःहाकःगु जात्रा धाइगु बुंगद्यः जात्राया झ्वलय् थौं बुंगद्यःयात नैंक्यालं लुइगु जूगु दु । म्हिगः लगं ख्यलं थतिया दथु त्वालय् तक रथ साले धुंकाः अन हे रथ दिकाः याः न्यायेकूगु खः । नैंक्याः लुयाः कन्हय् कुन्हु सुथय् मिस्तय्सं जक रथ सालाः जात्रा याइगु चलन कथं कन्हय् सुथय् ५ बजे मिसापिंसं जक रथ सालेत्यंगु दु । थौं लुइगु नैंक्याः लायेफुम्हेसित लक्षण लाम्ह मचा बुइ धाइ ।