थौं नवदुर्गा गणयात सीजा नकीगु

ख्वप (सन्ध्या टाइम्स) / नां जाःगु नवदुर्गा गणयात जलसमाधि कायेकेगु झ्वलय् थौं सनिलय् लाय्कुया तलेजुइ यंकाः सीजा नकेत्यंगु दु । 'आः छपिं सीपिं जुल' धइगु ल्याखं भलभल अष्टमि प्यन्हु न्ह्यः सीगुया संकेत कथं अन्तिम भ्वय् सीजा नकीगु खः । सीजा नकेधुंकाः नवदुर्गा गणया सिल क्वछुइ धाइगु चलन दु । भलभल अष्टमि कुन्हु नवदुर्गाया फुक्कं ख्वाःपाः मनूयात थें सिथं यंकाः ब्रम्हायणीया दीपय् उना छ्वइ ।