प्यूटारय् बोक्सीया द्धपं ब्यूम्ह ज्वन

छुं ई न्ह्यः यलया प्यूटारय् बोक्सीया द्धपनय् छम्ह मिसायात फोहोर नकूम्ह विद्यालयया प्राध्यानापक बिमला गोलेयात थौं अखिल नेपाल महिला संघ क्रान्तिकारीं प्रमुख जिल्ला अधिकारीया ज्याकुथिइ लःल्हाःगु दु । घटना जूगु स्वीन्यान्हुलिपा घटना मिलय् यायेत धासें जिल्ला प्रशासन ज्याकु यलय् थ्यंम्ह पीडक गोलेयात कार्बाहीया माग यासें महिला संघ क्रान्तिकारीं प्रमुख जिल्ला अधिकारीया ज्याकुथिइ लःल्हाःगु खः । मिसातय्सं पीडकयात तच्वयेक कार्बाही जुइमाःगु माग याःगु दु । छुं ला न्ह्यः बोक्सीया द्धपनय् यलया दलित मिसा कल्ली कुमारी विकयात राष्ट्रिय प्राथमिक विद्यालयया प्रध्यानाध्यापक गोलें फोहोर नकेगुया लिसलिसे विकया छेँजःयात गाँपाखें लिकाःगु खः । स्थानीय राजनैतिक दलया छुं नेतातय्सं धाःसा पीडक गोलेयात संरक्षण बियावयाच्वंगु खः ।