झिंनिगू बुँदे समझदारी स्वयां उच्चस्तरया सहमती यायेमाः पशुपति सम्शेर

राष्ट्रिय प्रजातन्त्र पार्टीया नायः पशुपति शम्सेर राणां झिंनिगू बुँदे समझदारी स्वयां उच्चस्तरया सहमती यायेमाःगु धयादीगु दु । रिपोर्टस क्लबया साक्षात्कार ज्याझ्वलय् न्वंवानादिसें राणां शान्ती प्रक्रियायात तार्किक निश्कर्षय् थ्यंकेत आः न्हूगु समझदारी माःगु न्ह्यथनादीगु दु ।

वय्कलं बर्तमान सरकार तुइगु वा मतुइगु एमालेया कार्यशैलीया भरय् लाइगु बिचाः प्वंकादीगु दु । सेनाया मनोबल म्हो यायेगु कथंया ज्या मयायेत सकसित इनाप यानादिसें वय्कलं नेपाली सेनाया नियम कानुनकथं हे ज्या कारबाहि न्ह्यःने न्ह्याकेमाःगु बिचाः तयादीगु दु ।